ဂါထာမန္တာန်များတွင် ဥုံ ခံပြီး ရွတ်ရန် သင့်၊ မသင့်

ဂါထာမန္တာန်များတွင် ဥုံ ခံပြီး ရွတ်ရန် သင့်၊ မသင့် ************************************ မန္တာန်ဆိုလို့ရှိရင် လူတွေကရွတ်ကြတဲ့အခါမှာ ဥုံ ခံပြီးရွတ်ရတယ်လို့ တော်တော်များများ အဲ့သလို နုားလည်ကြတယ်။ ဟုတ်တယ် ဥုံ ခံရွတ်တယ်ဆိုတာ ဗုဒ္ဓဟောတဲ့ မန္တာန်နဲ့မဆိုင်ဘူး။ သူဆိုလိုတဲ့ အဓိပ္ပါယ်ကိုသိရင် ရွတ်သင့်မရွတ်သင့် ကိုယ့်ဘာကိုဆုံးဖြတ်။ ဥုံ ဆိုတဲ့စကားလုံးက အက္ခရာသုံးလုံးကိုပေါင်းပြီးတော့ရွတ်ထားတာ။ အ- ရယ် အု- ရယ် မ- ရယ် ဒီအက္ခရာသုံးလုံးကို တစ်သံတည်ထွက်အောင် ရွတ်ကြည့်ပေါ့။ တစ်သံထဲထွက်အောင် ရွတ်ကြည့်လိုက်မယ်ဆိုရင် အုမ် ဆိုတဲ့ အသံကိုရမယ်။ မ ကျတော့ ပီပီသသရွတ်တာ မဟုတ်ဘူး ပါးစပ်ပိတ်ရွတ်တာ။ အုမ် ဆိုတဲ့အဓိပ္ပါယ်နော်။ အဲ့ဒါကဘာ အဓိပ္ပါယ်လဲဆိုတာ သိဖို့ရာလိုတယ်။ဗုဒ္ဓဘာသာတွေနဲ့ သက်ဆိုင်မှုမရှိဘူး။ ⚠️ အ- ဆိုတာ ဟိန္ဒူဘာသာ၀င်တွေ ကိုးကွယ်တဲ့ ကမ္ဘာကြီးကို ဖန်ဆင်းတယ် ဆိုတဲ့ ဗြဟ္မာကြီးကို ရည်ညွှန်းတာ။ #ဗြဟ္မအ် ဆိုတဲ့ စကားလုံးရဲ့ နောက်ဆုံးမှာ အ ဆိုတာနဲ့ အဆုံးသတ်ထားတယ်။ အဲ့ဒီက #အ ဆိုတာကိုယူလိုက်တယ်။ နောက် #အု ဆိုတာတော့ ဒုတိယတန်ခိုးရှင် ဖြစ်တဲ့ မြန်မာတွေခေါ်ကြတဲ့ ဗိဿနိုးနတ် အဲ့ဒီ ဗိဿနိုး နတ်ဆိုတာဟာ သူတို့ စကားလုံးအစစ်အမှန်နဲ့ခေါ်ရင် #ဗိသ်ွနု လို့ခေါ်တယ်။ ဗိသျှနု ဆိုတော့ အု ဆုံးတယ်။ အဲ့ဒီက အု ကိုယူလိုက်တယ်။ နောက်တခါ တတိယမြောက်တန်ခိုးရှင်ကတော့ #သီ၀နတ်လို့ခေါ်တယ်.။ ဟိန္ဒူဘုရား ကျောင်းတွေ သွားကြည့်ရင် လူပုံစံနဲ့ ဆင်နှာမောင်းနဲ့ အရုပ်ကိုတွေ့လိမ့်မယ်။အဲ့ဒါဟာ သီ၀နတ်လို့ခေါ်တယ်။ အဲဒီသီ၀နတ္ကို ဟိန္ဒူအသံနဲ့ထွက်မယ်ဆို #သျှီဗမ် လို့ထွက်တယ်။ #မ -ဆုံးတယ်။ အဲ့တော့ ဗြဟ္မအ် က အ- ကိုယူပြီး ဗိသျှနု က အု- ကိုယူ သျှီဗမ် က မ- သုံးကို ပေါင်းပြီးတော့ရွတ်တာ။ #ဗုဒ္ဓဘာသာနဲ့သက်ဆိုင်မှုမရှိဘူးပေါ့.။ လောကလူတွေကတော့ အဓိပ္ပါယ် မစဉ်းစားဘူး။ ယုံကြည်ရာ အစဉ်အလာကိုပဲ လက်ခံပြီးတော့ရွတ်ဆိုနေကြတယ်။ 💢မန္တာန်ဆို ဥုံ ပါရမယ်ဆိုပြီးတော့။ အဲ့ဒီ ဥုံ ရဲ့အဓိပ္ပါယ်က ဟိန္ဒူတွေကိုးကွယ်တဲ့ နတ်ဘုရားသုံးဆူ။ ဗြဟ္မာက creactor ဆိုတာဖန်ဆင်းရှင်ပေါ့။ ဗိသ်ွနုက protector ကာကွယ်စောင့်ရှောက်ပေးသူ။ သျှီဗမ် က Destoryer ဖျက်ဆီးသူ လို့ ခေါ်တယ်။ သုံးခု လူတွေရဲ့ စိတ်ကူးမှာ ဒီလိုဖော်ညွှန်းထားတာ။ ဖန်ုဆင်းတဲ့သူက ဖန်ဆင်းတယ်။ ဖန်ဆင်းထားတာကို ကာကွယ်တဲ့သူက ကာကွယ်တယ်။ ဖျက်ဆီးမယ့်သူက ဖျက်ဆီးတယ်။ တကယ်ကြည့်လိုက်မယ်ဆိုရင် ဖြစ်၊တည်၊ပျက်ဆိုတဲ့ ခဏသုံးခုနဲ့ သွားပြီးတော့ဆင်တယ်ပေါ့.။အဲ့ဒီသဘာ၀ကိုမူလကရည်ညွှန်းတာလဲဖြစ်ချင်ဖြစ်မယ်။ နောက်ပိုင်းရောက်တဲ့အခါ ကိုးကွယ်မှုတွေ လွမ်းမိုးလာတဲ့အခါ ဖြစ်တည်ပျက် ဆိုတဲ့ ဥပဒ်၊ဌီ၊ဘင် ကပဲ ဘုရားသုံးဖြစ်ချင်လည်းဖြစ်လာမှာပဲ။ အဲ့တော့ဆိုလိုတာက ဥုံ ဆိုတဲ့အဓိပ္ပါယ်က အဲ့ဒီ့ သုံးခုကိုရည်ညွှန်းတာလို့မှတ်ရမယ်။အဲ့တော့ ဗုဒ္ဓဘာသာ၀င်တွေက ကိုယ်နဲ့မသက်ဆိုင်တဲ့ ကိုယ်ရဲ့ကိုးကွယ် မှုနဲ့မသက်ဆိုင်တာကို ရွတ်သင့်လားဆိုရင် မရွတ်သင့်ဘူးပေါ့...။ တခါ ငယ်ငယ်တုန်းကကြားဖူးတယ် ။ ဥုံ..ဖြ ဆိုတဲ့စကားလေးတစ်ခု။ မှန်ကန်တဲ့စကားလုံးလေးကိုပြောပြမလို့ပါ။ ဥုံ..ဖြ လို့ဗမာတွေကဆိုလေ့ရှိတယ်။ တကယ်တော့ ဖြ မဟုတ္ဘူး။ မန္တာန်ရွတ်ပြီးတဲ့အခါ လေနဲ့မှုတ်လိုက်တော့ ဖူး... ဆိုမှုတ်တာ။ အဲ့ဒီ ဖူး..က ဖြ ဖြစ်သွားတာ။ မန္တာန်ရွတ်ပြီးတဲ့အခါ ရောဂါပျောက်အောင်လို့ဆိုပြီး ဖူး... ဆိုမှုတ်လိုက်တာ။ နောက်တခုပြောဦးမယ်။ မန္တာန်နဲ့ပတ်သတ်လာလို့ပြောရတာပါ။ တရားနဲ့တော့မဆိုင်ဘူးနော်.။ မြန်မာလူမျိုးတွေ အင်မတန်ဝါသနာပါတဲ့သူတွေရွတ်ကြတယ်။ ဥုံ ခံ၇ွတ်ပြီးတော့ နောက်ဆုံးကျတော့ ဘာဆိုတုန်းဆိုတော့ သြား..ဟ ဆိုတာရှိတယ်လေ။ သြား...ဟ ဆိုတာမောင်းထုတ်တာပဲ။ တကယ်ဟိန္ဒူတွေရွတ်တဲ့မန္တာန်မှာ သြားဟ မဟုတ္ဘူး ဆြာဟာ လို့ဆိုလိုတာ။ ဆြာဟာ ဆိုတာ ကောင်းကျိုးမင်္ဂလာတွေ ဖြစ်ပါစေလို့ အဓိပ္ပါယ်ရတယ်။ ဗမာက ရွတ်တဲ့သူက ပုံမှန်မဟုတ်ဘဲ သြားဟ ဆို မောင်းထုတ်တာ ဖြစ်သွားးတယ်နော်။ သူ့ဟာသူ မဟုတ်တဲ့အကြောင်း ပြောပြတာပါ။ အဲ့တော့ မန္တာန်ဆိုတာ အစွမ်းသတ္တိရှိ ကောင်းရှိနိုင်တယ်။ ဗုဒ္ဓမြတ်စွာရဲ့ ပရိတ်တရားတောတွေနဲ့ မတူတာက ဘာလဲဆိုရင် ပရိတ်တရားတော်တွေက မတ်ေတာတရားနဲ့ သစ်စာစကားကို အခွခေံ ထားပြီးတော့ ကုသိုလ်တွေဖြစ်ပွားလို့ ထိုကုသိုလ်တွေရဲ့ စွမ်းအားနဲ့ အကာအကွယ်ယူဖို့ရာ မြတ်စွာဘုရားကဟောတာ။ မှန်ကန်တဲ့နည်းနဲ့ အကာကွယ်လည်း ဖြစ်စေရမယ်။ ဒီပရိတ်တရားတော်တွေရဲ့ အနှစ်သာရကို သိရှိနားလည်မယ်ဆိုရင် သံသရာ၀ဋ်က လွတ်စေနိုင်တဲ့ ကျင့်စဉ်တစ်ခုကိုလည်း ဖော်ပြပြီးသား ဖြစ်တယ်ပေါ့... ပါမောက္ခချုပ်ဆရာတော် ဒေါက်တာနန္ဒမာလာဘိဝံသ ဟောကြားဆုံးမတော်မူသော မောရသုတ်အနှစ်ချုပ် တရားတော်မှ ထုတ်နှုတ်ဓမ္မဒါနပြုပါသည်။