ကထိန်နုတ်ခြင်း

ကထိန်နုတ်ခြင်း ++++++++++++ မေး..“ ကျောင်းတိုက်တစ်တိုင်အတွင်းမှာ ကထိန်တစ်ကြိမ်သာ ခင်းကောင်းပါသလား၊ ဒါမှမဟုတ် ခင်းပြီး ကထိန်ကိုနုတ်ပြီး နောက်ထပ် အကြိမ်ကြိမ် ခင်းကောင်းပါသလားဘုရား” “ကျောင်းတိုက်တစ်တိုက်အတွင်းမှာ ကထိန်ကို တစ်ကြိမ်သာခင်းကောင်းတယ်၊ အကြိမ်ကြိမ် မခင်းကောင်းဘူး၊ ကထိန်နုတ်တယ်ဆိုတာ ကထိန်ခင်းချင်လို့မဟုတ်ဘူး၊ ကထိန်ရဲ့ အာနိသင်မရကြတဲ့ ရဟန်းတော်များ သင်္ကန်းအလှူခံယူနိုင်အောင် ကထိန်ရဲ့အာနိသင်ကို အာဏာတော်ဖြင့် ဖျစ်ပစ်လိုက်ခြင်းသာ ဖြစ်တယ်ကွယ့်” “ကထိန်နုတ်တာနှင့် ကထိန်အာနိသင် မရတဲ့ ရဟန်းတော်များ သင်္ကန်းအလှူထ ခံယူနိုင်တာနှင့် ဘယ်လို ဆက်စပ်ပါသလဲဘုရား” “သည်အကြောင်းသိရအောင် ပါစိတ်ပါဠိတော် ဘိက္ခုနီဝိဘင်း နဂ္ဂဝဂ် ဒသမသိက္ခာပုဒ်ကို ပြောပြဦးမယ်” “မိန့်တော်မူပါ ဘုရား” “ဘုရားရှင် သာဝတ္ထိပြည် ဇေတဝန်ကျောင်း အရာမ်မှာ မွေ့လျော်တော်မူစဉ်ကာလက ဒါယကာတစ်ဦးဟာ သံဃာတော်ကို ရည်စူးပြီး ကျောင်းဆောက်တယ်၊ ကျောင်းရေစက်ချပွဲမှာ သံဃာတော်အားလုံးကို သင်္ကန်းလှူချင်တယ်၊ သည်အချိန်မှာ သံဃာကလည်း ကထိန်ခင်းပြီး ဖြစ်နေတယ်၊ ကထိန်ခင်းပြီးတော့ ‘ယော စ တ္ထ ဝီဝရုပ္ပါဒ’ အကျိုးအရ ဖြစ်ပေါ်လာသမျှသော သံဃိကသင်္ကန်းဟာ ကထိန်ခင်းပြီးသောရဟန်းအားသာ ရထိုက်တယ်၊ ကထိန်အာနိသင် မရတဲ့ ရဟန်း, ဝါကျိုးပျက်သောရဟန်း, ကျောင်းတိုက်အတွင်းသို့ ကထိန်ခင်းပြီး မှ ရောက်လာတဲ့ ရဟန်းများ သင်္ကန်းကို မရထိုက်ဘူး၊ သင်္ကန်းလှူသူက ကထိန်အကျိုး ရ မရ အားလုံးသော ရဟန်းတော်များအား လှူလိုတယ်၊ ဒါကြောင့် ခင်းပြီး ကထိန်နုတ်တော်မူပါဘုရားလို့ လျှောက်ထားတယ်၊ ကထိန် နုတ်တော်မူပါဆိုတာက ကထိန်အကျိုး ဖျက်ပေးပါလို့ လျှောက်ထားတာပဲ၊ သည်အကြောင်း ဘုရားရှင်ထံလျှောက်ထားတာတော့ ဘုရားရှင်က ဒါယကာရဲ့ သဒ္ဒါတရားကို ထောက်ထားပြီး နုတ်စေလို့ အခွင့်ပေးတော်မူတယ်၊ ကထိန်နုတ်ခွင့် ပေးရာမှာလည်း ‘ကီဒိသော ကထိနုဒါ္ဓရော ဒါတဗ္ဗော’ လို့ အဋ္ဌကထာက ဖွင်ပြတဲ့အတိုင်း မူလ ကထိန်ခင်းစဉ်ကရတဲ့ လှူဖွယ်ဝတ္ထုထက် နောက် ဒါယကာရဲ့ လှူဖွယ်တ္ထုကများပါမှ ကထိန်နုတ်ရတယ်၊ မူလ ကထိန်အောက် လှူဖွယ်ပစ္စည်းနည်းလျှင် နုတ်ခွင့်မရဘူး၊ မူလလှူဖွယ်ဝတ္ထုနှင့် နောက်အလှူဝတ္ထု တူမျှလျှင်လည်း ဒါယကာရဲ့ သဒ္ဓါကိုငဲ့ပြီး ကထိန်နုတ်ခွင့်ရတယ်၊ သည်အခြေခံ ပညတ်တော်ကို ကြည့်ခဲ့လျှင် ကထိန်နုတ်တယ်ဆိုတာဟာ နောက်တစ်ကြိမ် ကထိန်ခင်းလို၍ မဟုတ်ကြောင်း ထင်ရှားပါတယ်၊ ဒါကြောင့် ကျောင်းတိုက်တစ်တိုက်အတွင်း တစ်နှစ်လျှင် တစ်ကြိမ်မျှသာ ကထိန်ခင်းခွင့်ရှိတယ်၊ ကထိန်နုတ်ပြီး နောက် မခင်းအပ်ဘူးလို့ အဖြေပေးလိုက်ပါတယ်ကွယ်” “သာဓု - သာဓု - သာဓု” ယနေ့ဗုဒ္ဓဝါဒဆိုင်ရာ အမေးအဖြေများ - အမှတ်စဉ် (၉၀) ကံ, ဒွါရအကွဲ ဖြူမည်း မဆိုသာ ***ကောက်နုတ်ချက်***နိုင်ငံတော် သြဝါဒါစရိယ၊ မြန်မာစာသြဝါဒါစရိယ အဂ္ဂမဟာသဒ္ဓမဇောတိကဓဇ ဘဒ္ဒန္တဒေဝိန္ဒာဓိပတိ (ထီးချိုင့်မြို့ - တည်တောဆရာတော်ကြီး) ကထိန္ႏုတ္ျခင္း ေမး..“ ေက်ာင္းတိုက္တစ္တိုင္အတြင္းမွာ ကထိန္တစ္ႀကိမ္သာ ခင္းေကာင္းပါသလား၊ ဒါမွမဟုတ္ ခင္းၿပီး ကထိန္ကိုႏုတ္ၿပီး ေနာက္ထပ္ အႀကိမ္ႀကိမ္ ခင္းေကာင္းပါသလားဘုရား” “ေက်ာင္းတိုက္တစ္တိုက္အတြင္းမွာ ကထိန္ကို တစ္ႀကိမ္သာခင္းေကာင္းတယ္၊ အႀကိမ္ႀကိမ္ မခင္းေကာင္းဘူး၊ ကထိန္ႏုတ္တယ္ဆိုတာ ကထိန္ခင္းခ်င္လို႔မဟုတ္ဘူး၊ ကထိန္ရဲ႕ အာနိသင္မရၾကတဲ့ ရဟန္းေတာ္မ်ား သကၤန္းအလႉခံယူႏိုင္ေအာင္ ကထိန္ရဲ႕အာနိသင္ကို အာဏာေတာ္ျဖင့္ ဖ်စ္ပစ္လိုက္ျခင္းသာ ျဖစ္တယ္ကြယ့္” “ကထိန္ႏုတ္တာႏွင့္ ကထိန္အာနိသင္ မရတဲ့ ရဟန္းေတာ္မ်ား သကၤန္းအလႉထ ခံယူႏိုင္တာႏွင့္ ဘယ္လို ဆက္စပ္ပါသလဲဘုရား” “သည္အေၾကာင္းသိရေအာင္ ပါစိတ္ပါဠိေတာ္ ဘိကၡဳနီဝိဘင္း နဂၢဝဂ္ ဒသမသိကၡာပုဒ္ကို ေျပာျပဦးမယ္” “မိန႔္ေတာ္မူပါ ဘုရား” “ဘုရားရွင္ သာဝတၳိျပည္ ေဇတဝန္ေက်ာင္း အရာမ္မွာ ေမြ႕ေလ်ာ္ေတာ္မူစဥ္ကာလက ဒါယကာတစ္ဦးဟာ သံဃာေတာ္ကို ရည္စူးၿပီး ေက်ာင္းေဆာက္တယ္၊ ေက်ာင္းေရစက္ခ်ပြဲမွာ သံဃာေတာ္အားလုံးကို သကၤန္းလႉခ်င္တယ္၊ သည္အခ်ိန္မွာ သံဃာကလည္း ကထိန္ခင္းၿပီး ျဖစ္ေနတယ္၊ ကထိန္ခင္းၿပီးေတာ့ ‘ေယာ စ တၳ ဝီဝ႐ုပၸါဒ’ အက်ိဳးအရ ျဖစ္ေပၚလာသမွ်ေသာ သံဃိကသကၤန္းဟာ ကထိန္ခင္းၿပီးေသာရဟန္းအားသာ ရထိုက္တယ္၊ ကထိန္အာနိသင္ မရတဲ့ ရဟန္း, ဝါက်ိဳးပ်က္ေသာရဟန္း, ေက်ာင္းတိုက္အတြင္းသို႔ ကထိန္ခင္းၿပီး မွ ေရာက္လာတဲ့ ရဟန္းမ်ား သကၤန္းကို မရထိုက္ဘူး၊ သကၤန္းလႉသူက ကထိန္အက်ိဳး ရ မရ အားလုံးေသာ ရဟန္းေတာ္မ်ားအား လႉလိုတယ္၊ ဒါေၾကာင့္ ခင္းၿပီး ကထိန္ႏုတ္ေတာ္မူပါဘုရားလို႔ ေလွ်ာက္ထားတယ္၊ ကထိန္ ႏုတ္ေတာ္မူပါဆိုတာက ကထိန္အက်ိဳး ဖ်က္ေပးပါလို႔ ေလွ်ာက္ထားတာပဲ၊ သည္အေၾကာင္း ဘုရားရွင္ထံေလွ်ာက္ထားတာေတာ့ ဘုရားရွင္က ဒါယကာရဲ႕ သဒၵါတရားကို ေထာက္ထားၿပီး ႏုတ္ေစလို႔ အခြင့္ေပးေတာ္မူတယ္၊ ကထိန္ႏုတ္ခြင့္ ေပးရာမွာလည္း ‘ကီဒိေသာ ကထိႏုဒါၶေရာ ဒါတေဗၺာ’ လို႔ အ႒ကထာက ဖြင္ျပတဲ့အတိုင္း မူလ ကထိန္ခင္းစဥ္ကရတဲ့ လႉဖြယ္ဝတၳဳထက္ ေနာက္ ဒါယကာရဲ႕ လႉဖြယ္တၳဳကမ်ားပါမွ ကထိန္ႏုတ္ရတယ္၊ မူလ ကထိန္ေအာက္ လႉဖြယ္ပစၥည္းနည္းလွ်င္ ႏုတ္ခြင့္မရဘူး၊ မူလလႉဖြယ္ဝတၳဳႏွင့္ ေနာက္အလႉဝတၳဳ တူမွ်လွ်င္လည္း ဒါယကာရဲ႕ သဒၶါကိုငဲ့ၿပီး ကထိန္ႏုတ္ခြင့္ရတယ္၊ သည္အေျခခံ ပညတ္ေတာ္ကို ၾကည့္ခဲ့လွ်င္ ကထိန္ႏုတ္တယ္ဆိုတာဟာ ေနာက္တစ္ႀကိမ္ ကထိန္ခင္းလို၍ မဟုတ္ေၾကာင္း ထင္ရွားပါတယ္၊ ဒါေၾကာင့္ ေက်ာင္းတိုက္တစ္တိုက္အတြင္း တစ္ႏွစ္လွ်င္ တစ္ႀကိမ္မွ်သာ ကထိန္ခင္းခြင့္ရွိတယ္၊ ကထိန္ႏုတ္ၿပီး ေနာက္ မခင္းအပ္ဘူးလို႔ အေျဖေပးလိုက္ပါတယ္ကြယ္” “သာဓု - သာဓု - သာဓု” ***ဆက္ရန္*** ယေန႔ဗုဒၶဝါဒဆိုင္ရာ အေမးအေျဖမ်ား - အမွတ္စဥ္ (၉၀) ကံ, ဒြါရအကြဲ ျဖဴမည္း မဆိုသာ ***ေကာက္ႏုတ္ခ်က္***ႏိုင္ငံေတာ္ ၾသဝါဒါစရိယ၊ ျမန္မာစာၾသဝါဒါစရိယ အဂၢမဟာသဒၶမေဇာတိကဓဇ ဘဒၵႏၲေဒဝိႏၵာဓိပတိ (ထီးခ်ိဳင့္ၿမိဳ႕ - တည္ေတာဆရာေတာ္ႀကီး) ယေန႔ဗုဒၶဝါဒဆိုင္ရာ အေမးအေျဖမ်ား အတြဲ(၄) (စာမ်က္ႏွာ ၂၀၈ - ၂၁၀)မွ ေကာက္ႏုတ္ပူေဇာ္ပါသည္။