သင် အမှတ်မထင်ပြုလုပ်နေမိသည့် သွားတိုက်နည်းအမှားများ

------------------------------------------------------------------------
လှပတဲ့အပြုံးပိုင်ရှင်ဖြစ်ဖို့ သွားနဲ့ခံတွင်းကို သန့်ရှင်းစွာထားရမယ်ဆိုတာကိုတော့ လူတိုင်း သိရှိနားလည်ကြပါတယ်။ ဒါပေမဲ့ ကျွန်မတို့ဟာ သွားတိုက်နေစဉ်မှာ သတိမထားလိုက်မိဘဲ အောက်ပါအမှားတွေ ပြုလုပ်မိနေတတ်ကြတဲ့အတွက်နည်းလမ်းမှန်ကန်စွာ သွားတိုက်နိုင်အောင် ဖော်ပြပေးလိုက်ပါတယ်။

သွားတိုက်နည်းအမှား (၁) မြန်စွာ သွားတိုက်ခြင်း
အိပ်ရာမှ ထတာ နောက်ကျတာကြောင့် အချိန်မီ အလုပ်ရောက်ရှိနိုင်ဖို့အတွက် သွားမြန်မြန်တိုက်တဲ့အကျင့်ကတော့ မကောင်းလှပါဘူး။ သွားတစ်ခါတိုက်တိုင်း သွားနဲ့ ခံတွင်းထဲမှ အညစ်အကြေးတွေ အကုန်သန့်စင်အောင် နှစ်မိနစ် သုံး
မိနစ်ခန့် အချိန်ယူပြီး သွားတိုက်ရပါမယ်။ များသောအားဖြင့် လူတွေရဲ့ သွားတိုက်ချိန်ဟာ စက္ကန့် ၄၀ သာ ကြာလေ့ရှိပါတယ်။
သွားတိုက်နည်းအမှား (၂) ကြမ်းတမ်းစွာ သွားတိုက်ခြင်း
သွားထဲမှ အညစ်အကြေးတွေ သန့်စင်ဖို့ သွားတိုက်ရာမှာ ဖိအားအနည်းငယ်သာ ပေးသင့်ပါတယ်။ ကြမ်းကြမ်းတမ်းတမ်း သွားတိုက်ပါက သွားဖုံးမှာ ဒဏ်ရာရရှိစေနိုင်ပြီး သွားရဲ့ ကြွေသားလွှာကိုပါ ထိခိုက်နိုင်ပါတယ်။ ကြမ်းတမ်းစွာ
သွားတိုက်တာကြောင့် သွားဖုံးမှာ ပွန်းပဲ့ရာမှ ဘက်တီးရီးယားပိုးတွေ ၀င်ရောက်နိုင်ပြီး သွားပြည်နာရောဂါရရှိနိုင်ပါတယ်။
သွားတိုက်နည်းအမှား (၃) တစ်နေ့ တစ်ကြိမ်သာ သွားတိုက်ခြင်း
အလုပ်များတဲ့ ဘ၀နေထိုင်မှုပုံစံတွေကြောင့် မနက်အိပ်ရာထ တစ်ကြိမ်သာ သွားတိုက်တတ်တဲ့အကျင့်က မကောင်းပါဘူး။ ခံတွင်းထဲမှာ ခိုအောင်းနေတဲ့ ဘက်တီးရီးယားတွေက တစ်နေ့တာလုံး ရှိနေတတ်တဲ့အတွက် မနက်အိပ်ရာထ တစ်ကြိမ်နဲ့ ညအိပ်ရာဝင်ခါနီး တစ်ကြိမ် အနည်းဆုံး တစ်နေ့ နှစ်ကြိမ် သွားတိုက်သင့်ပါတယ်။ ဒီလို သွားတိုက်တာကြောင့် ခံတွင်းမှာရှိတဲ့ ဘက်တီးရီးယားတွေနဲ့ သွားချေးဖတ်တွေ စင်ကြယ်သွားပြီး ခံတွင်း သန့်ရှင်းစေနိုင်ပါတယ်။
သွားတိုက်နည်းအမှား (၄) မှားယွင်းသော သွားတိုက်တံ အသုံးပြုခြင်း
သွားတိုက်တံမှ အမွေးအမှင်တွေက မာကျောလွန်းရင် အသုံးမပြုသင့်ပါဘူး။ သွားဖုံးကို ထိခိုက်ဒဏ်ရာရရှိနိုင်ပြီး ရောဂါပိုး ၀င်ရောက်နိုင်တာကြောင့်ပါ။
သွားတိုက်နည်းအမှား (၅) သွားတိုက်တံအဟောင်းကိုသာ အသုံးပြုနေခြင်း
သွားတိုက်တံကို သုံးလ တစ်ကြိမ် အသစ်တစ်ခု လဲလှယ်ပြီး အသုံးပြုသင့်ပါတယ်။ တစ်နှစ်ကို သွားတိုက်တံ လေးခုအသုံးပြုဖို့အတွက် ကုန်ကျငွေက သွားရောဂါဖြစ်ပွားရင် ကုသဖို့စရိတ်ထက် အများကြီး သက်သာနိုင်ပါတယ်။
သွားတိုက်နည်းအမှား (၆) သွားတိုက်နည်း မှားယွင်းခြင်း
သွားတိုက်တဲ့အခါ များသောအားဖြင့် သွားနဲ့ ထောင့်မှန်ကျကျ တည့်တည့် တိုက်တတ်ကြပါတယ်။ ဒီလိုတိုက်နည်းက သွားရဲ့ ကြွေလွှာကို ထိခိုက်နိုင်ပြီး ဘက်တီးရီးယားတွေ ပိုမိုပွားများစေနိုင်ပါတယ်။ သွားရဲ့ ၄၅ ဒီဂရီခန့် စောင်းပြီး
သွားတိုက်ပါမှ သွားနဲ့ သွားဖုံးကြားမှာ ရှိတဲ့ သွားချေးဖတ်တွေနဲ့ အစာဟောင်းတွေကို ကုန်စင်အောင် ဖယ်ရှားနိုင်မှာ ဖြစ်ပါတယ်။
သွားတိုက်နည်းအမှား (၇) သွားတိုက်ရာတွင် ဘေးတိုက်ပွတ်တိုက်ခြင်း
သွားတိုက်ရာမှာ ဘေးတိုက်ပွတ်တိုက်တာ ဒါမှမဟုတ် အပေါ်အောက် တိုက်တဲ့ နည်းလမ်းတွေက သွားရဲ့ ကြွေလွှာကို ပျက်စီးစေနိုင်ပါတယ်။ စက်ဝိုင်းပုံသဏ္ဌာန် ညင်ညင်သာသာ သွားတိုက်ပါမှ သွားမျက်နှာပြင်အားလုံးပေါ်မှာ ရှိနေတဲ့ အညစ်အကြေးတွေကို ဖယ်ရှားနိုင်မှာဖြစ်ပါတယ်။
သွားတိုက်နည်းအမှား (၈) အပြင်းစားသွားတိုက်ဆေး အသုံးပြုခြင်း
သွားဖြူပြီး တောက်ပစေတယ်ဆိုတဲ့ သွားတိုက်ဆေးအမျိုးအစားတွေကို အသုံးမပြုသင့်ပါဘူး။ ယာယီသာ သွားဖြူနိုင်ပြီး သွားရဲ့ ကြွေလွှာကို ပျက်စီးသွားစေနိုင်ပါတယ်။
သွားတိုက်နည်းအမှား (၉) လျှာကိုပါ သန့်ရှင်းရေးမလုပ်မိခြင်း
တစ်နေ့ နှစ်ကြိမ် သွားတိုက်ရာမှာ လျှာကိုပါ သွားပွတ်တံနဲ့ ပွတ်တိုက်ပေးသင့်ပါတယ်။ လျှာပေါ်က ကွဲကြောင်းငယ်လေးတွေက ဘက်တီးရီးယားတွေ ခိုအောင်းနိုင်တဲ့ နေရာဖြစ်နေတဲ့အတွက် လျှာကို သန့်ရှင်းရေးမလုပ်မိရင် ခံတွင်းနံ့ဆိုးတွေ ထွက်လာနိုင်တဲ့အပြင် သွားပါ ပျက်စီးနိုင်ပါတယ်။ သွားတိုက်တိုင်း လျှာကို အရှေ့မှ အနောက်၊ ဘေးနှစ်ဖက်ကို တိုက်ပေးပြီးပါမှ ပလုတ်ကျင်းလိုက်ပါ။ လျှာကို ညင်ညင်သာသာပဲ တိုက်ပေးပါ။
သွားတိုက်နည်းအမှား (၁၀) သွားကြားပွတ်ကြိုး အသုံးမပြုခြင်း
သွားသာ တိုက်ပြီး သွားကြားပွတ်ကြိုး အသုံးမပြုတာက သွားကျန်းမာရေးအတွက် မကောင်းမွန်လှပါဘူး။ တစ်နေ့ကို အနည်းဆုံး တစ်ကြိမ် သွားကြားပွတ်ကြိုး အသုံးပြုပြီး သွားပွတ်တံအသုံးပြုလို့ မရနိုင်တဲ့ သွားနှစ်ချောင်းကြားထဲက
အညစ်အကြေးတွေကို သန့်စင်ပေးပါ။
‪#‎ဒေါက်တာခင်မိုးမိုး‬
(Good Health Journal _569)