စင်ကာပူဝန်ကြီးချုပ် #လီကွမ်ယု

စင်ကာပူနိုင်ငံ ချမ်းသာသောနိုင်ငံဖြစ်အောင်ဦးစီးဆောင်ရွက်ခဲ့သော လီကွမ်ယု-သည် လီမျိုးနွယ်ဝင်
ဟတ်ကာတရုတ်လူမျိုးမှ ဆင်းသက်လာသူဖြစ်သည်။ ၁၉၂၃-ခုနှစ် စက်တင်ဘာလ ၁၆-ရက်နေ့တွင်
စင်ကာပူ၌ မွေးဖွားခဲ့သည်။ လီကွမ်ယု၏ ဘိုးဘွားများသည် ၁၉-ရာစုနှောင်းပိုင်းမှစ၍ စင်ကာပူနိုင်ငံ၌
စတင်အခြေချ နေထိုင်ခဲ့ကြသူများ ဖြစ်သည်။ ကြွယ်ဝချမ်းသာသော မျိုးနွယ်မှ ဆင်းသက်လာခဲ့သော လီကွမ်ယုသည် ထိုခေတ်က အထက်တန်းကျသည့် အင်္ဂလိပ်ဘာသာဖြင့် သင်ကြားသော စာသင်ကျောင်းများသို့တက်ရောက်သင်ယူနိုင်ခဲ့သည်။ မိသားစုတွင် အကြီးဆုံးသားဖြစ်၍ ခေါင်းဆောင် မှုနှင့် ဆုံးဖြတ်နိုင်မှု စွမ်းရည်ကို ငယ်စဉ်ကာလမှပင် အလေ့အကျင့်ရရှိခဲ့သည်။ လီကွမ်ယု၏ ကြိုးစားမှုနှင့် မိဘများ၏ ကြပ်မတ်မှုကြောင့်၁၉၃၅-ခုနှစ်တွင် မူလတန်းကို ပထမအဆင့်ဖြင့် အောင်မြင်ခဲ့ပြီး စင်ကာပူတွင် နာမည်အကြီးဆုံး ရာဖေးလ် အထက်တန်းကျောင်းသို့ ၀င်ခွင့်ရခဲ့သည်။ လီကွမ်ယုသည် ရာဖေးလ်ကျောင်းတွင် ပညာထူးချွန်သောကြောင့် စကောလားရှစ်ထောက်ပံ့ကြေး ရခဲ့သည့်အပြင် ၁၉၄၀-ပြည့်နှစ်တွင် ကင်းဘရစ် အထက်တန်းစာမေးပွဲကို စင်ကာပူနှင့် မလေးရှားနယ်မြေတခုလုံး၌ ပထမစွဲ၍ အောင်မြင်ခဲ့သည်။

ဒုတိယကမ္ဘာစစ်ကာလအတွင်း၌ စင်ကာပူရှိ ရာဖေးလ်ကောလိပ်မှာပင် ဆက်တက်ခဲ့သည်။ ဂျပန်ခေတ်တွင်
တရုတ်စာနှင့် ဂျပန်စာဘက်သို့ ဦးလှည့်သင်ကြားခဲ့သည်။ ထို့နောက် ဂျပန်ထောက်ပံ့ရေးဌာနတွင် စာရေးဝင်လုပ်ခဲ့သည်။
၁၉၄၃-ခုနှစ်တွင် ဂျပန်သတင်းဖြန့်ချိရေးဌာန၌ အင်္ဂလိပ်ပိုင်း အယ်ဒီတာအဖြစ် အလုပ်ရခဲ့သည်။

လီကွမ်ယုသည် ဒုတိယကမ္ဘာစစ်အတွင်း လမ်းဘေးပွဲစား၊ ကပ်စေးနှဲ မုန့်ပဲသရေစာရောင်းသူ စသည့် ကြုံရာအလုပ်များဖြင့်လည်း ၀မ်းရေးကို တဖက်က ဖြေရှင်းခဲ့သည်။ ၁၉၄၉-ခုနှစ်တွင် ရှိစုမဲ့စု ရှာဖွေစုဆောင်း ထားသောငွေဖြင့် လန်ဒန်တွင် ဥပဒေပညာ သင်ကြားနေစဉ် ဆိုရှယ်လစ်ဝါဒကို စိတ်ဝင်စားကာ လေ့လာခဲ့သည်။ လူဖြူအင်္ဂလိပ်တို့၏ လူမျိုးခွဲခြားမှုနှင့် ကိုလိုနီဝါဒ ကျင့်သုံးမှုများကို ကိုယ်တွေ့မျက်မြင်ခံစားခဲ့ရသည့်အတွက် နယ်ချဲ့ဆန့်ကျင်ရေးစိတ်ဓာတ်များလည်း ကိန်းအောင်းလာခဲ့သည်။

၁၉၄၇-ခုနှစ်တွင် ဘုရင်မ၏ ပညာသင်ဆုဖြင့် လန်ဒန်သို့ရောက်လာခဲ့သော မစ်(ခ်) ချူးနှင့် လျှို့ဝှက်လက်ထပ်ခဲ့သည်။ လန်ဒန်တွင် ၄-နှစ်ခန့် ပညာသင်ခဲ့စဉ်အတွင်း ဘ၀တူလက်ဝဲယိမ်း စင်ကာပူ-မလေး ကျောင်းသားများနှင့် ဆက်သွယ်စည်းရုံးခဲ့ရာမှ ဗြိတိသျှအစိုးရ၏ သင်္ကာမကင်းဖြစ်မှုကို ခံခဲ့ရသည်။

၁၉၅၀-ပြည့်နှစ်တွင် စင်ကာပူသို့ ပြန်လည်ရောက်ရှိလာပြီး ၀တ်လုံအဖြစ် ဆောင်ရွက်လျက် တခြားဘက်မှလည်း ဗြိတိသျှလက်အောက်မှ စင်ကာပူ လွတ်မြောက်ရေး နိုင်ငံရေးလှုပ်ရှားမှုများကို စတင်ဆောင်ရွက်ခဲ့သည်။ ဗြိတိသျှဆန့်ကျင်ရေး သပိတ်များ၌ အလုပ်သမားခေါင်းဆောင်အဖြစ် ပါဝင်ခဲ့သည်။ ၁၉၅၄-ခုနှစ်တွင် ပြည်သူ့လှုပ်ရှားမှုပါတီ (People's Action Party-PAP) ကို စတင်တည်ထောင်ခဲ့သည်။ PAP သည် ဗြိတိသျှ အုပ်ချုပ်မှုအောက်တွင် ပိုမိုတိုးချဲ့လာသည့် ဥပဒေပြုကောင်စီ၌ အဓိကအတိုက်အခံပါတီ ဖြစ်လာသည်။

၁၉၅၉-ခုနှစ်၌ စင်ကာပူတိုက်ပိုင် အုပ်ချုပ်ခွင့် ရရှိလာသောအခါ အာဏာရပါတီ ဖြစ်လာသည်။ လီကွမ်ယုမှာလည်း ကိုယ်ပိုင်အုပ်ချုပ်ခွင့်ရ စင်ကာပူပြည်နယ်၏ ၀န်ကြီးချုပ်ဖြစ်လာသည်။ ၁၉၆၅-ခု သြဂုတ်လ ၉-ရက်နေ့တွင် မလေးပြည်ထောင်စုမှ စင်ကာပူကို ခွဲထွက်၍ လွတ်လပ်သောနိုင်ငံအဖြစ် ထူထောင်ကာ လီကွမ်ယုသည် ၀န်ကြီးချုပ်အဖြစ် တာဝန်ယူပြီး စင်ကာပူကို ချမ်းသာသောနိုင်ငံဖြစ်အောင် ကြိုးစားခဲ့သည်။

စင်ကာပူနိုင်ငံသည် အရှေ့တောင်အာရှဒေသတွင်ပါဝင်သော နိုင်ငံဖြစ်ပြီး စတုရန်းမိုင် ၁၇၃-မိုင် ကျယ်ဝန်းသည်။ ၂၀၀၈-ခုနှစ် သန်းခေါင်းစာရင်းအရ လူဦးရေ ၄၈၃၉၄၀၀-ခန့်ရှိသည်။ လီကွမ်ယု ၁၉၅၉-စင်ကာပူဒေသ၌ ၀န်ကြီးချုပ် ဖြစ်လာချိန်ဝယ် အသက် ၃၆-နှစ်သာ ရှိသေး၏။ သို့ရာတွင် အရွယ်နှင့်မမျှအောင်ပင် ကြီးမား၍ အန္တရာယ်များလှသောတာဝန်ကို ထမ်းဆောင်ခဲ့ရသည်။ ကွန်မြူနစ်တို့၏ မြေအောက်လှုပ်ရှားမှုနှင့် အလုပ်သမားသပိတ်မှောက်မှုများ၊ အကြမ်းဖက် အဓိကရုဏ်များ၊ PAP ပါတီမှာ ခွဲထွက်မှုစသည့် နိုင်ငံရေး မတည်ငြိမ်မှုများနှင့် စီးပွားရေးနိမ့်ကျမှု၊ ဘဏ္ဍာရေးလိုငွေများပြားမှု စသည့် စီးပွားရေးပြဿနာပေါင်းစုံကို ရင်ဆိုင်ဖြေရှင်းခဲ့ရသည်။ ထိုအခြေအနေ၌ လီကွမ်ယုသည် နိုင်ငံရေး၊ စီးပွားရေး၊ လူမှုရေး စသည်တို့ ဘက်ပေါင်းစုံမှ အရှိန်အဟုန်ဖြင့် တိုးတက်လာစေရန် အပြင်းအထန် ကြိုးပမ်းခဲ့သည်။

ဝန်ကြီးချုပ် လီကွမ်ယုသည် ပြည်သူလူထုအတွက် အလုပ်အကိုင်တည်ငြိမ်မှုနှင့် စားဝတ်နေရေး အဆင်ပြေမှုကို ပြည့်စုံနိုင်သမျှ ပြည့်စုံအောင် ဖန်တီးသကဲ့သို့ ပြည်သူများ စည်းကမ်းစနစ်တကျ နေထိုင်ရေးကိုလည်း ကြပ်မတ်ထားသည်။ လမ်းပေါ်တွင် အမှိုက်ပစ်ခြင်းမှ အများသုံးအိမ်သာတွင် သုံးပြီးနောက် သန့်ရှင်းရေးအတွက် ရေဆွဲမချသွားသည်အထိ ဒဏ်ရိုက်အပြစ်ပေးသည်။ ထို့ကြောင့် စင်ကာပူသည် ကမ္ဘာတွင် အသန့်ရှင်းဆုံးနှင့် စည်းကမ်းအရှိဆုံး မြို့တော်ဖြစ်နေသည်။ မြို့တော်သန့်ရှင်းမှု မထိခိုက်စေရန် ပီကေနှင့် ကွမ်းစားခြင်းကိုပင် ကန့်သတ်တားမြစ်ထားသည်။ တဖက်တွင် ၀န်ထမ်းများ အဂတိလိုက်စားမှုမရှိစေရန် စည်းကမ်းတင်းကျပ် ထားသကဲ့သို့ လာဘ်စားဖို့မလိုအောင်လည်း လုပ်ခလစာများ လုံလုံလောက်လောက် ပေးထားသည်။ ၀န်ကြီးချုပ် လီကွမ်ယု၏ လစာမှာ အမေရိကန်သမ္မတ၏ လစာထက်ပင် များသည်ဟု ဆိုသည်။

စင်ကာပူနိုင်ငံ၏ စီးပွားရေးတည်ငြိမ်စွာ တိုးတက်ဖွံ့ဖြိုးနေခြင်းမှာနိုင်ငံရေးတည်ငြိမ်မှု၏ အကျိုးဆက်ကြောင့် လည်း ဖြစ်သည်။ စင်ကာပူတွင် ၁၉၅၉-ခုနှစ်၌ လီကွမ်ယု တည်ထောင်ခဲ့သော PAP ပါတီကသာ အာဏာရရှိနေသည်။ နိုင်ငံရေးအရ အစဉ်တစိုက် စည်းလုံးညီညွတ်မှုရရှိရေးကိုအထူးအလေးထားသည်။ ခြုံ၍ သုံးသပ်ရလျှင် စင်ကာပူနိုင်ငံ၏ အံ့ဘနန်းတိုးတက်အောင်မြင်မှုများတွင် စင်ကာပူနိုင်ငံ၏ ဖခင်ကြီးဟု ဆိုင်နိုင်သော ၀န်ကြီးချုပ်ဟောင်း ၀ါရင့်ဝန်ကြီး လီကွမ်ယု၏ အမြော်အမြင် ကြီးမှု၊ ဇွဲလုံ့လထက်သန်မှု၊ စည်းကမ်းစနစ်ကြီးမှု၊ ပညာအရည်အချင်း ပြည့်ဝမှုနှင့် အတွေ့အကြုံ ရင့်ကျက်မှုစသော အဖိုးမဖြတ်နိုင်သည့် ခေါင်းဆောင်မှုအရည်အသွေးများက အရေးပါသောအကြောင်းရင်း တရပ်အဖြစ် ပါဝင်နေသည်ကား မည်သို့မျှ မငြင်းနိုင်သော အချက်ပင် ဖြစ်ပါသည်။

ကိုးကား

ဦးမြင့်စော-(သမိုင်းပါမောက္ခ၊ ပုသိမ်တက္ကသိုလ်)

Myanmarsite1

Facebook: ဝေဟင်ချစ်သူ
https://www.facebook.com/theuseofforce

ကျောင်းသား လီကွမ်ယု
ဒုတိယကမ္ဘာစစ်ပြီးဆုံးသွားတဲ့အခါမှာ လီကွမ်ယုက သူမူလရည်ရွယ်ထားသလို အင်္ဂလန်မှာ ပညာဆက်သင်ပါတယ်။ ကမ္ဘာကျော် ကိမ်းဘရစ်ခ်ျ တက္ကသိုလ်နဲ့ London School of Economics တက္ကသိုလ်ကြီးတွေမှာ ပညာသင်ကြားခဲ့ပါတယ်။ ကိမ်းဘရစ်ခ်ျမှာ ပညာသင်နေတုံးမှာ ဥာဏ်ပညာထက်မြက်တဲ့ ကျောင်းသူ Kwa Geok Cho( နောင်မှာ ရှေ့နေကြီးဖြစ်လာ) နဲ့ တိတ်တဆိတ် လက်ထပ်ခဲ့ပါတယ်.

၁၉၄၉ခုနှစ်မှာ သူနေရပ်ကို ပြန်လာပြီး ရှေ့နေလုပ်ရင်း အလုပ်သမား သမဂ္ဂလှုပ်ရှားမူတွေမှာ ပါဝင်လာပါတယ်။
နိင်ငံရေးသမားလီကွမ်ယု
၁၉၅၄မှာ ဗြိတိသျှ အုပ်ချုပ်ရေး ချုပ်ငြိမ်းရေး ပြည်သူ့လှုပ်ရှားမှုပါတီ People's Action Party (PAP)ကို ထူထောင်လိုက်ပါတယ်။
၁၉၅၉ခုနှစ်မှာ ဗြိတိန်က နိုင်ငံခြားရေးနဲ့ ကာကွယ်ရေးကလွဲပြီး စင်္ကာပူကို ကိုယ်ပိုင်အုပ်ချုပ်ရေးပေးလိုက်ပါတယ်။ အသက်၃၆နှစ်အရွယ်မှာ လီကွမ်ယုက စင်္ကာပူရဲ့ ပထမဦးဆုံး ဝန်ကြီးချုပ်ဖြစ်လာပါတယ်။
ဝန်ကြီးချုပ်လီကွမ်ယု
ဝန်ကြီးချုပ်သစ်လီကွမ်ယုက ဆင်းရဲသားရပ်ကွက်ပပျောက်ရေး၊ အဖိုးနည်းအိမ်ယာများ အကောင်အထည်ဖော်ဆောင်ရေး၊ အဂတိလိုက်စားမှု တိုက်ဖျက်ရေး၊ စက်မှုလက်မှုနိုင်ငံထူထောင်ရေး ဆိုပြီး အင်မတန် ရည်မှန်းချက်ကြီးတဲ့ ငါးနှစ်စီမံကိန်းကို ချမှတ်လိုက်ပါတယ်။
စင်္ကာပူနိုင်ငံဟာ လူမျိုးပေါင်းစုံနေထိုင်ရာ နိုင်ငံဖြစ်ရမယ်လို့ လီကွမ်ယုကတစိုက်မတ်မတ်ပြောခဲ့ပါတယ်။
သယံဇာတ အရင်းအမြစ် မရှိတဲ့ သေးငယ်လှတဲ့ စင်္ကပူနိုင်ငံဟာ နိုင်ငံတစ်ခုအနေနဲ့ ရပ်တည်ဖို့ ခက်ခဲမယ်လို့ ယူဆပြီး PAPပါတီက စင်္ကပူကို ဗြိတိန်ကနေလုံးဝခွဲထွက်ပြီး မာလာယုဖယ်ဒရေးရှင်းနဲ့ပူးပေါင်းဖို့ စတင်လှုပ်ရှားပါတယ်။
၁၉၆၃ခုနှစ် စက်တင်ဘာလ ၁၆ရက်နေ့မှာ လီကွမ်ယုကစင်္ကပူဟာ မာလာယုဖယ်ဒရေးရှင်းထဲဝင်ရောက်ကြောင်း မြို့တော်ခမ်းမရှေ့မှာ ကြေညာ
ပြီးနှစ်ပေါင်း၁၄၄နှစ် ဗြိတိသျှအုပ်ချုပ်ရေး ကို အဆုံးသတ်လိုက်ပါတယ်။
ဒါပေမယ့် ဖက်ဒရေးရှင်းမှာ လူမျိုးစု များပါဝင်ရေးနဲ့ပတ်သက်ပြီး စင်္ကာပူက လူများစု တရုပ်လူမျိုးတွေနဲ့ မလေးတွေအကြားမှာ တင်းမာမှုတွေ အရှိန်အဟုန်မြင့်မားလာပြီး ၁၉၆၄မှာ လူမျိုးရေး ပဋိက္ခတွေဖြစ်ပွားခဲ့ရာ လူ၂၀ထက်မနည်း သေဆုံးပြီး အများအပြား ထိခိုက်ဒဏ်ရာရ ရှိပါတယ်။

မာလာယုဖက်ဒရေးရှင်းကိုစွန့်ခွါပြီ
သြဂုတ်လ၉ရက်၊ ၁၉၆၅ခုနှစ်မှာ လီကွမ်ယုက လတ်တလောဖြစ်နေတဲ့ လူမျိုးရေးပဋိက္ခ သွေးထွက်သံယိုမှုတွေ ရပ်တန့်သွားအောင်နဲ့မလေးဖက်ဒရေးရှင်း တည်ငြိမ်မှုကို မထိခိုက်အောင် မလေးရှားရဲ့ မေတ္တာရပ်ခံချက်အတိုင်း စင်္ကာပူကို မလေးဖက်ဒရေးရှင်းက နှုတ်ထွက်ဖို သူသဘောတူလိုက်ပြီလို့ မျက်ရည်စက်လက်နဲ့ကြေညာပါတယ်။
နှစ်ရက်အကြာမှာတော့ သေးငယ်လှတဲ့ စင်္ကာပူကျွန်းကို လွတ်လပ်တဲ့ အချုပ်အခြာအာဏာနိုင်ငံ အဖြစ် လီကွမ်ယုက ကြေညာလိုက်ပါတယ်။
နောက် ၃၁နှစ် အကြာမှာတော့ လီကွမ်ယု ရည်မှန်းခဲ့သလို မတိုးတက် မဖွံ့ဖြိုးတဲ့ ကိုလိုနီကျွန်းကလေးဟာကမ္ဘာ့ အချမ်းသာဆုံး နိုင်ငံတစ်နိုင်ငံဖြစ်လာပါတော့တယ်။
လီကွမ်ယုက သဘာဝ သယံဇာတမရှိတဲ့သူ့နိုင်ငံမှာ နိုင်ငံ့အရင်းအမြစ်က လူတွေပဲဆိုပြီး အဆင့်မြင့်ပညာရေးကို အားပေးခဲ့ပါတယ်။ ပညာတတ်တွေကို အိမ်ထောင်ပြု ကြဖို့နဲ့ သားသမီးယူဖို့ တိုက်တွန်းခဲ့ပါတယ်။ နိုင်ငံခြားရင်းနှီးမြှုပ်နှံမှုကို အားပေးပြီး နိုင်ငံခြားကကျွမ်းကျင်သူတွေကို ဖိတ်ခေါ်ခဲ့ပါတယ်။
၂၀၁၀မှာ နယူးယောက်တိုင်းမ်စ် သတင်းစာနဲ့ တွေ့ဆုံမေးမြန်းခန်းမှာ
လီကွမ်ယုက "ကျွန်တော်လုပ်ခဲ့တာမှန်သမျှ မှန်ကန်တယ်လို့ မဆိုလိုပါဘူး၊ ကျွန်တော်လုပ်သမျှက မွန်မြတ်တဲ့ရည်ရွယ်ချက်နဲ့လုပ်ခဲ့တာပါ။ ဒါပေမယ့် တခါတရံ အမူမစစ်ပဲ ဖမ်းစီးထောင်ချတာမျိုးလို ဆိုးဆိုးဝါးဝါး လုပ်ရပ်တွေလည်းလုပ်ခဲ့ရပါတယ်."လို့ ပြောဆိုပါတယ်