ဘေးစကား

တစ်ခါတုန်းက တောအုပ်တစ်ခုထဲမှာ ကြာမျိုး(၅)ပါးနဲ့ ပြည့်စုံတဲ့
ရေအိုင်ကြီး တစ်အိုင် ရှိတယ်။ အဲဒီ ရေအိုင်ကြီးထဲမှာ ငါး၊ လိပ်၊
ပုဇွန်၊ ဂဏန်း၊ ဖား၊ ငါးရှဥ့် စတဲ့ ရေသတ္တ၀ါမျိုးစုံဟာ မိသားစုတွေလို
စုပေါင်းညီညာစွာ နေထိုင်ကြတယ်။ ရေအိုင်ကြီးပတ်လည်မှာ သစ်
ပင်တွေ အုပ်ဆိုင်းနေပြီး အရိပ်အာဝါသ ကောင်းတာကြောင့် ကျေးငှက်
တွေလည်း လာရောက်နေထိုင်ကြတာပေါ့။

ရေအိုင်ကြီးဟာ မိုးရာသီမှာ ရေတွေအပြည့်နဲ့ လှပတင့်တယ်နေပေမယ့်
နွေရာသီကို ရောက်တဲ့အခါမှာတော့ ရေတွေ နည်းလွန်းတာကြောင့် ကြာပန်း
တွေနဲ့ ရေသတ္တ၀ါတွေ နွမ်းနယ်ကြရတယ်။ အဲဒါကြောင့် ရေအိုင်ကြီးထဲမှာ
နေထိုင်ကြတဲ့ ငါး၊ လိပ်၊ ပုဇွန်၊ ဂဏန်း၊ ဖား၊ ငါးရှဥ့် စတဲ့ ရေသတ္တ၀ါတွေဟာ
မိုးမကုန်မီ ရေအိုင်ကြီးထဲမှာ ရေလျော့လာတဲ့အခါ အနီးအနား မြောင်းတွေ
ထဲက ရေတွေကို ရေအိုင်ကြီးထဲကို သွင်းယူကြတယ်။ အဲဒီလို ရေသွင်း
လိုက်တဲ့အခါ နွေရာသီတစ်လျှောက်လုံး ရေခမ်းခြောက်မယ့်ဘေးကို ပူစရာ
မလိုတော့ဘဲ အေးချမ်းစွာ နေထိုင်ခွင့်ရကြတယ်။
ရေအိုင်ကြီးထဲကို အနီးအနား မြောင်းတွေထဲက ရေသွင်းယူကြတဲ့အခါ
ဂဏန်းတွေက မြောင်းတူး၊ ဖားတွေ လိပ်တွေက မြေတွေ ယက်ထုတ်၊
ငါး ပုဇွန် ငါးရှဥ့်တွေက ရေအိုင်ကြီးထဲမှာ ရေတွေကြာရှည်ခံအောင် နှုန်း
တွေတူး ဂဏန်းတွေ ဖားတွေ လိပ်တွေတူးပြီး ရေ၀င်လာတဲ့မြောင်းတွေ
ရေစီးရေလာပိုကောင်းအောင် ရေအောက်ကနေ မြေသားတွေကို နှုန်း
မြေအဖြစ် ပျော့ပြောင်းအောင်တူးကြရင်း တက်ညီလက်ညီ လုပ်ဆောင်
ကြတယ်။
အဲဒီလို စုပေါင်းညီညွတ်စွာနေထိုင်ကြတဲ့ ငါး၊ လိပ်၊ ပုဇွန်၊ ဂဏန်း၊ ဖား၊ ငါးရှဥ့်
စတဲ့ မိသားစုဘ၀လေးကို သစ်ပင်ပေါ်က ဗျိုင်းက ကြည့်ရင်း စဉ်းစားတယ်။
“ အင်း ဒီရေအိုင်ကြီးထဲမှာ ရေများနေရင် ငါ့အတွက် စားရေးသောက်ရေး
အဆင်မပြေဘူး။ ဒီကောင်တွေ ညီညွတ်နေသ၍ ဒီရေအိုင်ကြီးထဲမှာ ရေ
ပြည့်နေမှာပဲ။ ဒီကောင်တွေ မညီညွတ်တဲ့ တစ်နေ့ ဒီရေအိုင်ကြီး ရေခမ်း
မယ်။ ဒီရေအိုင်ကြီး ရေခမ်းရင် ငါး၊ ပုဇွန်၊ ဖား၊ ငါးရှဥ့် တစ်နေ့တစ်မျိုး မရိုး
နိုင်အောင် စားရမယ်။ ဒီကောင်တွေ မညီညွတ်အောင် သွေးထိုးနည်းတွေ
စဉ်းစားစမ်း စဉ်းစားစမ်း ... ”
ဒီလိုနဲ့ မိုးနှောင်းပိုင်း ရေအိုင်ထဲမှာ ရေလျော့လို့ ရေသွင်းတဲ့ အချိန်ကို
ရောက်လာပါတော့တယ်။
ဂဏန်းတွေက လက်မတွေ ၀င့်ကာ ၀င့်ကာ မြေတူးဖို့ ရေအိုင်ပေါ်ကို
တက်လာကြသလို လိပ်တွေလည်း ဂဏန်းတွေတူးမယ့် မြောင်းတွေ
ထဲက မြေကို ယက်ဖို့ ရေအိုင်ပေါ်ကို တက်လာကြတယ်။ အဲဒီလိုတက်
လာတဲ့အချိန်မှာ အကြံသမား ဗျိုင်းက ဂဏန်းတွေနဲ့ လိပ်တွေကို ...
“ ခင်ဗျားတို့ကသာ အပင်ပန်းခံ မြောင်းတူးပြီး ရေသွင်းဖို့ လုပ်နေကြတာ
ရေအိုင်ထဲမှာ ကြည့်စမ်း ငါးတွေ ဖားတွေ ပုဇွန်တွေ ငါးရှဥ့်တွေကတော့
အေးစေးပဲ ပျော်လို့ မြူးလို့ ကစားလို့။ ခင်ဗျားတို့ရှာတဲ့ ရေကို အဲကောင်
တွေက ဘာမှမလုပ်ပဲ ဖြုန်းနေတာ ”
အဲဒီလိုပြောတဲ့အခါ ဂဏန်းတွေနဲ့ လိပ်တွေက ရေအိုင်ထဲမှာ ပျော်မြူးနေတဲ့
ငါးတွေ ဖားတွေ ပုဇွန်တွေ ငါးရှဥ့်တွေကို ကြည့်ရင်း တွေဝေသွားတယ်။ ပြီးတော့
ဗျိုင်းရဲ့စကားကို ဘာမှ ခွန်းတုန့်မပြန်ကြဘဲ ရေမြောင်းတူးဖို့ ထွက်လာကြတယ်။
ဂဏန်းတွေက ရှေ့ကတူး လိပ်တွေက နောက်က မြေတွေယက်ထုတ်ရင်း ရေ
မြောင်းကို တူးကြတယ်။ အဲဒီတူးနေတဲ့အချိန် ဂဏန်းတွေ အတော်ဝေးတဲ့နေရာ
ရောက်သွားတဲ့အခါ လိပ်တွေကို ဗျိုင်းက သွေးထိုးစကားဆိုပြန်တယ်။
“ အို လိပ်အပေါင်းတို့ ခင်ဗျားတို့ လိပ်ဆိုတာ ရေမရှိလည်း အသက်ရှင်နေနိုင်
တာပဲ။ ဘာလို့သူများအတွက် မြောင်းတူးပေးနေမလဲ။ ကြည့်စမ်းပါဦး ဂဏန်း
တွေတူးသွားလိုက်တာ မြေပေါ် တုတ်ချောင်းနဲ့ စည်းဆွဲသလောက်ရှိတယ်
နက်အောင်လည်းမတူးဘူး ခင်ဗျားတို့ လိပ်တွေ ပိုပင်ပန်းအောင် ဂဏန်းတွေ
ဂဏန်းပါး ၀နေကြတာ ”
အဲဒီလို ဗျိုင်းကပြောတဲ့အခါ လိပ်တွေက တွေဝေသွားပေမယ့် ဘာမှ ခွန်းတုံ့
မပြန်ဘဲ မြောင်းကိုပဲ ဆက်တူးနေကြတယ်။
တစ်ဖန် ဗျိုင်းလည်း ရေကန်ကို ပြန်လာပြီး ငါးတွေ ဖားတွေ ပုဇွန်တွေ ငါးရှဥ့်
တွေကို သွေးထိုးစကားဆိုပြန်တယ်။
“ အို ငါးတို့ ဖားတို့ ပုဇွန်တို့ ငါးရှဥ့်တို့ ခင်ဗျားတို့ကသာ ရေအိုင်ကြီး ထာဝရ
တည်တံ့ရေးလုပ်ဆောင်နေကြတာ ဂဏန်းတွေ လိပ်တွေကတော့ ကုန်းပေါ်
မှာ ပျော်ပါးနေကြတယ် ခုထိရေတွေ ရောက်မလာသေးဘူး မလား ခင်ဗျား
တို့ ကုန်းပေါ်တက်ကြည့်လို့ မရနိုင်မှန်းသိလို့ သက်သက်ပညာပြနေတာ
ကျွန်တော်လေ့လာပြီးပြီ ဒီနေ့ရေမရောက်နိုင်ဘူး ခင်ဗျားတို့ လုပ်သမျှ မော
လိမ့်မယ်။ ”
အဲဒီလို ဗျိုင်းကပြောတဲ့အခါ ငါးတွေ ဖားတွေ ပုဇွန်တွေ ငါးရှဥ့်တွေ တွေဝေသွား
ပေမယ့် လုပ်စရာရှိတာကိုသာ ဆက်လုပ်နေကြတယ်။
ဒီလိုနဲ့ ညနေ့စောင်းအချိန်ရောက်လာတဲ့အခါ ဂဏန်းတွေ လိပ်တွေ ရေမြောင်း
ဖောက်ပြီး ပြန်လာကြသလို ရေမြောင်းနှင့်အတူ ရေတွေပါ ရေအိုင်ထဲကို စီးဝင်
လာတယ်။
ရေတွေ စီးဝင်လာလို့ ငါးတွေ လိပ်တွေ ပုဇွန်တွေ ဂဏန်းတွေ ဖားတွေ ငါးရှဥ့်တွေ
စတဲ့ ရေသတ္တ၀ါမျိုးစုံဟာ မြူးတူးပျော်ပါးစွာ အောင်ပွဲခံကြတယ်။ ဒါပေမယ့် ရေတွေ
ဟာ ခဏသာ စီးဝင်ပြီး လုံးဝ ရပ်တန့်သွားတယ်။ ရေမလာတာကို စောင့်ကြည့်နေ
ကြပေမယ့် ည မှောင်ချိန်ကိုသာ ရောက်လာတယ် ရေကတော့ လုံးဝမလာတော့ပါ
ဘူး။ အဲဒီအခါမှာ ငါးတွေ လိပ်တွေ ပုဇွန်တွေ ဂဏန်းတွေ ဖားတွေ ငါးရှဥ့်တွေဟာ
ဗျိုင်းရဲ့စကားကို ယုံစားရင်း တစ်ကောင်နဲ့တစ်ကောင် တစ်ဖွဲ့နဲ့တစ်ဖွဲ့ အပြန်လှန်
အပြစ်တွေ ဆိုကြပါတော့တယ်။
“ မင်းတို့ ဂဏန်းတွေ မြောင်းတူးတာ အသုံးမကျတာ ”
“ မင်းတို့ လိပ်တွေ မြေကို အသေချာ ယက်မထုတ်လို့ ”
“ မင်းတို့ ငါးတွေက ဘာမှမလုပ်ပဲ ကန်ထဲမှာနေပြီး လာဆရာမလုပ်နဲ့ ”
ရေအိုင်ထဲက ငါးတွေ လိပ်တွေ ပုဇွန်တွေ ဂဏန်းတွေ ဖားတွေ ငါးရှဥ့်တွေဟာ
အဓိကအရင်းအမြစ်ဖြစ်တဲ့ ရေမလာခြင်းအကြောင်း ရေမြောင်းကို မစီစစ်ကြဘဲ
တစ်ယောက်နဲ့တစ်ယောက် တစ်ဖွဲ့နဲ့တစ်ဖွဲ့ အပြန်အလှန် အပြစ်ဖွဲ့ကာ မညီညွတ်
ကြရင်း ရေအိုင်ထဲကို ရေမသွင်းဖြစ်ကြတော့ပါဘူး။ အဖြစ်မှန်ကတော့ ဂဏန်းတွေ
နဲ့ လိပ်တွေ မြောင်းတူးပြီး ပြန်လာချိန်မှာ အကြံသမားဗျိုင်းက ရေမလာအောင်
မြောင်းကို လမ်းတစ်ဝက်က ပိတ်ထားလိုက်တာ ဖြစ်ပါတယ်။
ဒီလိုနဲ့ ညီညွတ်ပျော်ရွှင်စရာကောင်းတဲ့ မိသားစုဘ၀လေးကနေ ကိုယ့်အဖွဲ့နဲ့ကိုယ့်
ကိုယ့်အုပ်စုနဲ့ကိုယ် ကွဲပြားသွားကြပြီး သာယာလှတဲ့ ရေအိုင်ကြီးဟာလည်း ရေတွေ
ခြောက်ခမ်းလာကာ အားလုံးဗျိုင်းရဲ့အစာဖြစ်သွားရှာသတဲ့ကွယ်။ ပုံပြင်လေးကတော့
ဒါပါပဲ။
မိသားစုတွေထဲမှာ သူစိမ်းသူတွေ ပတ်သက်လာတဲ့အခါ ဘေးစကားတွေကို ယုံစားလာ
ကြပြီး ကိုယ့်အုပ်စု ကိုယ့်အဖွဲ့ ကိုယ်စီ ကိုယ်စီ ကွဲပြားလာတတ်ကြပါတယ်။(ပြန်လည်မျှဝေပေးခြင်းပါ။)
#Credit_Org_Writer_Uploader
ဗဟုသုတ​အဖြစ်ပြန်လည်မျှဝေသည်